Google ADS

Nis procedura për shpronësimin e pronës për Projektin e restaurimit të shtëpisë së Kompleksit Memorial “Masakra e Reçakut”

13:10 | 10 Janar 2024
E.K

Ministri i Mjedisit dhe Planifikimit, Liburn Aliu ka njoftuar se sot në mbledhjen e Qeverisë së Kosovës është miratuar inicimi i procedurës për shpronësimin e pronës së paluajtshme për realizimin e Projektit për konservimin dhe restaurimin e shtëpisë së Kompleksit Memorial “Masakra e Reçakut”.

Me anë të një postimi në Facebook, Aliu bën të ditur se kompleksi Memorial “Masakra e Reçakut”, përfshin varrezat e martirëve, murin përkujtimor, shtatoren e William Walkerit, zyrat administrative, dhe në kuadër të zonës së veçantë janë edhe dy shtëpitë ku kanë ndodhur masakrat dhe janë lënë gjurmë të kujtesës së luftës, si një nga ngjarjet më të dhimbshme për popullin tonë

Më tej, Aliu është shprehur se janë të përkushtuar që kompleksi të marrë formën më meritore të konzervimit dhe menaxhimit, duke garantuar mbrojtjen e plotë dhe të mirëfilltë të kompleksit dhe shtëpive./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm